យប់សែនស្ងាត់ អារម្មណ៍នៅម្នាក់ឯងក៏ពិតជាគួរឱ្យព្រឺព្រួចណាស់។ ខ្ញុំដើរទៅបិទទូរទស្សន៍ហើយអានសៀវភៅ ខ្ញុំមិនបានបញ្ចេញសំលេងអីបន្តិច ត្រឹមតែនៅអានលើសាឡុងយ៉ាងស្ងៀមស្ងាត់។ ថ្ងៃម៉ិញ ពេលទៅផ្សារ ខ្ញុំឮអ្នកលក់មួយចំនួននិយាយថា ឥឡូវនេះមានករណីសម្លាប់មនុស្សច្រើនណាស់ ហើយប្រទេសកំពុងតែរញ៉េរញ៉ៃខ្លាំងណាស់។ ពួកហ្នឹងមានភ្នាក់ងារវាច្រើនដើរពេញប្រទេស។ ឆ្ងល់ណាស់ ហេតុអីក៏រឿងបែបនេះកើតឡើងរាល់ថ្ងៃ? ជួនកាលវាជាព័ត៌មានចចាមអារ៉ាមដែលនិយាយតៗគ្នាតាម Facebook ដើម្បីឱ្យសង្គមបះបោរក៏ថាបាន។ តែក្មួយរបស់ខ្ញុំនៅឯស្រុកក៏ត្រូវវាសម្លាប់វះយកសាច់សល់តែឆ្អឹង។