សំណួរមួយនេះ យើងមិនអាចឆ្លើយមួយម៉ាត់ថា មាន ឬគ្មានបាននោះទេ។ប្រសិនបើឆ្លើយថា មាន អ្នកដែលមិនធ្លាប់ជួប ប្រាកដជាមិនជឿហើយច្បាស់ជាសួររកអំណះអំណាង និងហេតុផល ឬក៏ភស្តុតាងជាមិនខាន។ តែប្រសិនបើឆ្លើយថា មិនមាន អ្នកដែលអះអាងថាខ្លួនធ្លាប់ជួបក៏មិនអាចទទួលយកបាន។អ្នកណាក៏ដោយ ឱ្យតែគិតថាមានខ្មោច នោះពួកគេច្បាស់ជាយល់ថា ខ្មោចគឺកើតពីមនុស្សក្រោយពេលដែលស្លាប់។ ពួកគេគិតថា មនុស្សស្លាប់ទៅហើយ តែដោយសារមានកម្មពៀរ ឬអំពើបាបដែលខ្លួនបានសាងកាលនៅរស់ ក៏មិនអាចទៅចាប់កំណើតបាន បែរជាក្លាយជាខ្មោច។ លើសពីនេះទៅទៀត អ្នកដែលយល់បែបនេះ ក៏គិតដែរថា ខ្មោចនោះគឺជាព្រលឹង ឬវិញ្ញាណ ដែលចេញពីក្នុងខ្លួនក្រោយពេលដែលស្លាប់ ហើយនៅវិលវល់ក្នុងស្ថានមនុស្សលោក ដែលអាចប្រែក្រឡាជាអ្វីក៏បាន ដើម្បីលងបន្លាចគេឯង។ តើអ្នកខ្លួនឯងកំពុងតែយល់យ៉ាងនេះមែនឬមិនមែន?
the ghost 