អ្នកស្រុកក្នុងភូមិមួយនៃខេត្ត Central Java ប្រទេសឥណ្ឌូនេស៊ី បានប្រើក្រុមអ្នកស្ម័គ្រចិត្តធ្វើជា «ខ្មោច» ឱ្យយាមល្បាតតាមផ្លូវ និងបន្លាចមនុស្សឱ្យនៅស្នាក់នៅក្នុងផ្ទះតាមបទបញ្ជារបស់អាជ្ញាធរមូលដ្ឋានក្នុងគោលបំណងដើម្បីទប់ទល់នឹងការឆ្លងរាលដាលនៃជំងឺកូវីដ ១៩។ថ្នាក់ដឹកនាំនៃភូមិ Kepuh នៅជាយក្រុង Sukoharjo និយាយថា អ្នកស្រុកនៅទីនោះខ្វះការយល់ដឹងអំពីការគំរាមកំហែងដោយសារវីរុសកូរ៉ូណា ហើយបានធ្វើព្រងើយកន្ដើយចំពោះបទបញ្ជាដែលតម្រូវឱ្យពួកគេស្នាក់នៅក្នុងផ្ទះអ្នកស្ម័គ្រចិត្តមួយក្រុមដែលធ្វើការដោយមានការសម្របសម្រួលជាមួយនឹងសមត្ថកិច្ចក្នុងមូលដ្ឋាន បានផ្តើមគំនិតតែងខ្លួនជា “pocong” ដែលមានន័យថា «ខ្មោចរុំក្រណាត់» ដែលមាននិទាននៅក្នុងរឿងព្រេងនៃប្រទេសឥណ្ឌូនេស៊ី និងម៉ាឡេស៊ី។
the ghost 