មកដឹងពី​ប្រភេទ​ខ្មោច​លងសាហាវៗ​នៅ​ជុំវិញ​ពិភព​លោក​

​តើ​អ្នក​ធ្លាប់​កត់​សម្គាល់​ទេ​ថា​ខ្មោច​ជាច្រើន​នៅក្នុងខ្សែ​ភាពយន្ត​ភ័យ​រន្ធត់គឺជាស្រី​? ​ហេតុអ្វីបានជា​អញ្ចឹង​? សាក​ល្បង​រាយ​បញ្ជី​ឈ្មោះ​រឿង​ខ្មោច​នៃខ្សែភាពយន្តពីរបី​នោះ​អ្នកប្រហែល​ជានឹងទទួលបាន​​អ្វីមួយ​ដូចជា​ Samara ​ពី​ក្នុង​ “The Ring” ​និងស្ត្រី​ចំណាស់មកពី ​“The Shining”​ ​។​ ​ខ្មោចស្រី​សម្បូររឿងរ៉ាវ​ល្អៗជាងខ្មោចប្រុសដូចជា៖ ពួក​គេ​បាត់កូនៗ​ ​ពួកគេជាមនុស្ស​ដែល​សងសឹក​ពួកគេ​កំពុងយំ​សោក​ចំពោះ​ការបាត់បង់​សម្រស់​យុវវ័យ​ឬពួក​គេ​កំពុង​ព្យាយាម​រស់ឡើងវិញ​ដោយ​រួមភេទ​ជាមួយ​អ្នកនៅរស់​។​ ​តើ​អ្នកធ្លាប់​បានឃើញ​ប្រភេទខ្មោច​ស្រីៗ​ទាំង​នេះ​ដែរទេ​?​ Continue reading មកដឹងពី​ប្រភេទ​ខ្មោច​លងសាហាវៗ​នៅ​ជុំវិញ​ពិភព​លោក​

ប្រវត្តិដ៏គួរឱ្យរន្ធត់របស់វិញ្ញាណខ្មោចតៃហោង La Llorona (ហាមអានបើអ្នកកំពុងគេងម្នាក់ឯង ឬកំពុងងូតទឹក​)

រឿងរ៉ាវដ៏រន្ធត់មួយនេះ គឺដកស្រង់ពីរឿងនិទានរបស់ប្រទេសម៉ិចស៊ិច “La Llorona” ។ នៅទីជនបទមួយនៃប្រទេសម៉ិចស៊ិច មាននារីដ៏ស្រស់ស្អាតម្នាក់ឈ្មោះ ម៉ារីយ៉ា តែជាកូនស្រីអ្នកក្រីក្រមួយដែលរស់នៅតំបន់ដាច់ស្រយាល។ គ្រាមួយ មានបុរសអ្នកមានប្រាក់ស្ដុកស្ដម្ភម្នាក់ធ្វើដំណើរកាត់តំបន់ដែលនាងរស់នៅ​ ចៃដន្យក៏បានជួបម៉ារីយ៉ាដែលគ្រានោះហើយដែលកំលោះម្នាក់នោះបានធ្លាក់អន្លង់ស្នេហ៍ស្រីស្អាតម៉ារីយ៉ា ហើយក៏ប្ដេជ្ញាថានឹងយកនាងធ្វើជាភរិយាអោយទាល់តែបាន។ក្រោយមក គាត់ក៏បានម៉ារីយ៉ាធ្វើជាភរិយាមែនចំណែកឯគ្រួសារខាងស្រី ត្រេកអរជាខ្លាំង ដែលមានកូនប្រសារជាអ្នកមានស្តុកស្តម្ភ ប៉ុន្តែគ្រួសារខាងប្រុសវិញ បែរជាមិនសប្បាយចិត្តរឿងបានកូនប្រសារស្រីជាកូនអ្នកក្រីក្រទៅវិញ។ ក្រោយពីរៀបការ ដោយសារមានការមិនសូវពេញចិត្តពីគ្រួសារខាងប្រុស​ អ្នកទាំងពីរ ក៏បានចាកចេញពីផ្ទះទៅរស់នៅតែពីរនាក់រហូតដល់មានកូនពីរ ដោយសុភមង្គល។​ Continue reading ប្រវត្តិដ៏គួរឱ្យរន្ធត់របស់វិញ្ញាណខ្មោចតៃហោង La Llorona (ហាមអានបើអ្នកកំពុងគេងម្នាក់ឯង ឬកំពុងងូតទឹក​)

អ្នកណាមិនព្រឺ ! បើកំពុងតែធ្វើការសុខៗ ហើយស្រាប់តែខ្មោចមកឈរពីក្រោយខ្នងបែបនេះ !

វាពិតជាមានការភ្ញាក់ផ្អើល និង ព្រឺព្រួចគួរឱ្យខ្លាចយ៉ាងខ្លាំង នៅពេលដែលក្រុមអ្នកបច្ចេកទេសតបណ្តាញភ្លើងរបស់ក្រុមហ៊ុនអគ្គិសនីកម្ពុជា (EDC)កំពុងតែនាំគ្នាធ្វើការយ៉ាងមមាញឹកស្រាបតែមានខ្មោចលង ដោយមកឈរនៅពីក្រោយខ្នងធ្វើឱ្យពួកគាត់ភ័យប្រលឹងចុងសក់គ្រប់គ្នា ។ មិនថាតែពួកគាត់នោះទេ ដែលភ័យខ្លាចនោះ សូម្បីតែមហាជនដែលបានឃើញរូបភាពដែលគេបានបង្ហោះនេះ អ្នកណាក៏ភ័យបោះសក់ដែរ ព្រោះកំពុងតែឈរធ្វើការសុខៗស្រាប់តែមានខ្មោចមកលងបែបនេះ ។នៅលើគណនីហ្វេសប៊ុកមួយឈ្មោះ Chhay Vannak បានបង្ហោះរូបភាពនេះ ជាមួយការសរសេរសារថា « កំពុងតែធ្វើការនៅវេលាម៉ោង ៨យប់ មិនដឹងថា មានអ្នកឈរមើលទេ នៅកណ្តាលព្រៃភ្នំ ជិតបឹងក្របីងាប់ ឃុំអូរសោម ស្រុកវាលវែង ខេត្តពោធិសាត់ »។ ទាក់ទងនឹងរឿងនេះ មានអ្នកលេងហ្វេសប៊ុកមួយចំនួនបានចូលទៅខំមិនថា រូបភាពនេះជារូបភាព ដែលគេកាត់ត ។ ដូច្នេះបើរឿងនេះ ពិត ឬ មិនពិតយ៉ាងណានោះ សូមបងប្អូនពិចារណាតាមការគួរ ៕ Continue reading អ្នកណាមិនព្រឺ ! បើកំពុងតែធ្វើការសុខៗ ហើយស្រាប់តែខ្មោចមកឈរពីក្រោយខ្នងបែបនេះ !

ប្លែក! យុវជន​ឥណ្ឌូនេស៊ី តែងធ្វើ​​ខ្មោច​បន្លាច​មនុស្ស​ ​កុំ​ឲ្យ​ពូកែដើរ​លេង​ក្រៅឆ្លងកូវីដ ១៩

យុវជន​ស្ម័គ្រ​ចិត្ត​មួយ​ក្រុម​នៅ​ភូមិមួយ​ឈ្មោះ Kepuh ​ក្នុង​ប្រទេស​ឥណ្ឌូនេស៊ី បាន​នាំ​គ្នា​តុបតែង​ខ្លួន​ធ្វើជា​ខ្មោច ដើម្បី​លង​បន្លាច​មនុស្ស​តាមផ្លូវ ក្នុង​គោល​បំណង​ដើម្បី​ឲ្យ​ពលរដ្ឋ​ទាំង​អស់​ខ្លាច​រអារ​ចេញ​ក្រៅ ការពារ​ខ្លួន​ពី​វីរុស​កូវីដ ១៩។ក្រុម​យុវជន​ដែល​តែង​ខ្លួន​ធ្វើខ្មោច​ដើរ​លេងមនុស្ស​តាមផ្លូវ​ពេញភូមិនោះ និយាយ​ថា ការ​ធ្វើដូច្នេះ​ដើម្បី​ឲ្យ​មនុស្ស​ខ្លាច ហើយ​ពួកគេ​មិន​ហ៊ាន​ដើរ​លេង​ក្រៅផ្ទះ។ ក្រោយ​ធ្វើ​សកម្មភាព​នេះ​បាន​ប៉ុន្មាន​ថ្ងៃ ក្រុមយុវជន​ដដែល​ថា ការ​តែង​ខ្លួន​ធ្វើខ្មោច​នេះ ដូចបាន​ផល​គ្រាន់បើ ដោយ​ឃើញភូមិ​រាង​ស្ងាត់​អ្នក​ដើរ​លេង​ក្រៅជាង​ពីមុន៕ Continue reading ប្លែក! យុវជន​ឥណ្ឌូនេស៊ី តែងធ្វើ​​ខ្មោច​បន្លាច​មនុស្ស​ ​កុំ​ឲ្យ​ពូកែដើរ​លេង​ក្រៅឆ្លងកូវីដ ១៩

នារីម្នាក់ដេកស្លាប់ទាំងននលគោក ក្នុងបន្ទុប់ផ្ទះសំណាក់យីហោ អូយ៉េស សង្ស័យករណីឃាតកម្ម

ភ្នំពេញ៖ ករណីភ្ញាក់ផ្អើលមួយបានកើតឡើងបន្ទាបពីសមត្តកិច្ចចម្រុះចុះទៅត្រួតពិនិត្យមើល ទីតាំងផ្ទះសំណាក់ យីហោ អូយ៉េស ដែលស្ថិតនៅទុលមុខវត្តនាគវ័ន្ត ខណៈដែល នារីម្នាក់បានដេកស្លាប់ក្នុងបន្ទុប់ ទាំងននលគោក ហើយត្រូវបានគេសង្ស័យថា ជាករណីឃាតកម្ម ពីព្រោះនៅទីតាំងកើតហេតុ មានស្នាមកន្សែងពោះគោប្រឡាក់ឈាម ។ហេតុការណ៍នេះបានកើតឡើងកាលពីវេលាម៉ោង១១និង៣០នាទីព្រឹក ថ្ងៃទី២៥ ខែតុលា ឆ្នាំ២០១៦ នៅចំណុចផ្ទះសំណាក់យីហោអូយ៉េស បន្ទុប់C២០ ជាន់ទី៣ ផ្ទះលេខ១៧ ផ្លូវ១៣២ សង្កាត់ស្រះចក ខណ្ឌដូនពេញ រាជធានីភ្នំពេញ ។តាមចម្លើយបំភ្លឺរបស់សន្តិសុខឈ្មោះ កុសល បានឆ្លើយប្រាប់សមត្តត្ថកិច្ចថា នៅវេលាម៉ោង៤និង៤០នាទីរសៀល ថ្ងៃទី២៤ ខែតុលា ឆ្នាំ២០១៦ គាត់ឃើញបុរសវ័យប្រហែល៣២ឆ្នាំម្នាក់ ស្លៀកពាក់ស៊ីវិល ពាក់អាវសាច់ក្រណាត់ដៃវែង ពណ៌ក្រហមក្រឡាការ៉ូ ខោពណ៍ខ្មៅជើងវែង បានមកជួលបន្ទុប់ផ្ទះសំណាក់ពីឈ្មោះ ហ៊ីប សៅហ៊ី ដែលជាអ្នកគ្រប់គ្រងរួច ក៏ឡើងទៅបន្ទុប់កើតហេតុខាងលើ ។ Continue reading នារីម្នាក់ដេកស្លាប់ទាំងននលគោក ក្នុងបន្ទុប់ផ្ទះសំណាក់យីហោ អូយ៉េស សង្ស័យករណីឃាតកម្ម

រូប​ថត​ទាំង 19 សន្លឹក​ដែល​ធ្វើ​ឲ្យ​អ្នក​ខ្លាច​ខ្មោច​មើល​ហើយ​លែង​ហ៊ាន​ចូល​បន្ទប់​ទឹក​យប់​នេះ

តើអ្នកជាប្រភេទមនុស្សដែលខ្លាចខ្មោចមែនដែរឬទេ ? បើដូចនេះខ្ញុំសូមប្រាប់ថាមិនបាច់មើលល្អជាង តែបើសិនជាចរចេសចង់មើលទៀត យប់នេះគួរតែកុំញ៉ាំទឹកច្រើនពេក ឬ មួយក៏ទិញខោទឹកនោមត្រៀមទុកឲ្យហើយទៅ ។រូបថតខាងក្រោមសុទ្ធសឹងតែជារូបថតដែលថតដោយអ្នកជំនាញ ប៉ុន្តែមិនមែនថតខ្មោច ឬថតមនុស្សដែលតុបតែធ្វើជាខ្មោចដូចក្នុងភាពយន្តនោះទេ វាគ្រាន់តែជាការថតដោយពឹងផ្អែកទៅលើបច្ចេកទេស ចាប់យកប្លង់ ចាប់ពន្លឺ ប្រើប្រាស់ពណ៌ និង ការជ្រើសរើសទីតាំងដែលសាកសមតែប៉ុណ្ណោះ។បើទោះបីជាវាមិនមែនជារូបថតខ្មោចប៉ុន្តែ សម្រាប់អ្នកខ្លាចខ្មោចប្រាកដជា មានអារម្មណ៍ថាព្រឺរោមបណ្ដើរៗហើយគ្រាន់តែចាប់ផ្ដើមមើលជាមួយនឹងរូបថតទី ១ បើចិត្តសឺងទស្សនាឲ្យដល់រូបចុងក្រោយ ហើយចាំមើលអ្នកនឹងមានប្រត្តិកម្មបែបណា បើសិនជាអ្នកមិនមានអារម្មណ៍ព្រឺរោម មានន័យថាអ្នកមិនមែនជាមនុស្សខ្លាចខ្មោចនោះទេ។ Continue reading រូប​ថត​ទាំង 19 សន្លឹក​ដែល​ធ្វើ​ឲ្យ​អ្នក​ខ្លាច​ខ្មោច​មើល​ហើយ​លែង​ហ៊ាន​ចូល​បន្ទប់​ទឹក​យប់​នេះ

ភ័យលួសព្រលឹងមិនស្ទើរ ! ថតរូបនៅសារៈមន្ទីរបុរាណ ២ឆ្នាំហើយ យកមកមើលឡើងវិញ ឃើញជាប់ខ្មោចកូនក្មេង !

អង់គ្លេស៖ យើងធ្លាប់បានលឺជាច្រើន ពីការថតរូបជាប់រូបខ្មោច ហើយធ្វើឲ្យមានការងឿងឆ្ងល់ ជាច្រើនអំពីរឿងនេះ នៅទូទាំងពិភពលោក ដែលថាជាការពិតឬយ៉ាងណា ដែលនៅតែមិនអាចបកស្រាយបាន។ ក្នុងនោះដែរ មានក្រុមគ្រួសារមួយ ក្នុងប្រទេសអង់គ្លេស គឺលោក John Burnside និង អ្នកស្រី Shona Backhouse បានទៅទស្សនា នៅសារមន្ទីរ Castle បុរាណមួយ ក្នុងទីក្រុងYork ហើយពួកគេ បានថត រូបលក្ខណៈគ្រួសារជាច្រើន សន្លឹកហើយពួកគេ បានទុករូបថតក្នុងអាល់ប៊ុមរូបថត មិនបានពិនិត្យឲ្យច្បាស់លាស់ ។ Continue reading ភ័យលួសព្រលឹងមិនស្ទើរ ! ថតរូបនៅសារៈមន្ទីរបុរាណ ២ឆ្នាំហើយ យកមកមើលឡើងវិញ ឃើញជាប់ខ្មោចកូនក្មេង !

យុវជន​ម៉ាឡេស៊ី​ ​ធ្វើ​​ខ្មោច​ចេញ​​លង​បន្លាច​អ្នក​ដើរ​ហើរ​ពេល​រាត្រី

ក្រុង​គូឡាឡាំពួ៖ តួអង្គ​បិសាច​លេង​ម៉ូដ​សក់​ និង​ពុក​មាត់​កន្ទ្រើង​​ កំពុង​ចេញ​លង​ក្នុង​​សហគមន៍​ម៉ាឡេស៊ី​តូច​មួយ​ ដើម្បី​បង្ក្រាប​អ្នក​មាន​ជំនឿ​លើ​វិញ្ញាណ​ព្រលឹង ​ឲ្យ​សំងំ​នៅ​តែ​ក្នុង​ផ្ទះ​ អំឡុង​ពេល​បិទ​​ប្រទេស​ ដោយសារ​តែ​​ការ​រីក​រាលដាល​នៃ​វីរុស​​កូរ៉ូណា​​។វា​មិន​មែន​ព្រលឹង​ខ្មោច​មែន​ទែន​នោះ​ទេ តែ​បុរស​នៅ​ក្នុង​ភូមិ​ម្នាក់​ឈ្មោះ មូហាមេដ យូរ៉ាប៊ីល អាលៀស​ (Muhammad Urabil Alias) ដែល​​គ្រង​ឈុត​រ៉ូប​ពណ៌​ស​ និង​ម៉ាស់​ចេញ​ដើរ​លង​បន្លាច​មនុស្ស​​រៀង​រាល់​រាត្រី​។អំឡុង​ពេល​ចេញ​លង​ក្នុង​ភូមិ ខេម៉ាម៉ាន ភាគ​ឦសាន​ប្រទេស ​ម៉ាឡេស៊ី ក្មេងៗ​ស្រែក​ក្នុង​សភាព​ភ័យ​ខ្លាច​ និង​រត់​ទៅ​ផ្ទះ​វិញ​ទាំង​បាត​ជើង​សព្រាត​ ខណៈ​ពួកគេ​ឃើញ​ខ្មោច​ដើរ​លង​​​តាម​ដង​ផ្លូវ​នានា​។មិន​ខុស​ពី​បណ្ដា​ប្រទេស​ដទៃ​​ក្នុង​ការ​ប្រយុទ្ធ​ប្រឆាំង​នឹង​ការ​រីក​រាល​ដាល​នៃ​វីរុស​កូរ៉ូណា​នោះ​ទេ ម៉ាឡេស៊ី​បាន​បញ្ជា​ពលរដ្ឋ​ឲ្យ​នៅ​តែ​ក្នុង​ផ្ទះ ​ព្រម​ទាំង​​បិទ​សាលា និង​ជំនួញ​មិន​សំខាន់​ជា​ច្រើន​ទៀត​។ Continue reading យុវជន​ម៉ាឡេស៊ី​ ​ធ្វើ​​ខ្មោច​ចេញ​​លង​បន្លាច​អ្នក​ដើរ​ហើរ​ពេល​រាត្រី

តើអ្នកដឹងទេ ហេតុអ្វីបានជាពេលមនុស្សស្លាប់ តែងតែមានលោកតាអាចារ្យ ឬចាស់ៗ នាំគ្នាទៅសម្រាន្តកំដរសព នៅពេលយប់?

រឿងអាយុសង្ខារគ្មាននរណាម្នាក់អាចដឹងបានទុកជាមុននោះទេ។ ជាទូទៅនៅពេលមានមនុស្សស្លាប់ ខ្មែរយើងតែងតែយកទៅធ្វើបុណ្យតាមប្រពៃណី មិនដែលអាក់ខានឡើយ ជួនកាលធ្វើនៅផ្ទះ។ ជួនកាលទៀតធ្វើនៅក្នុងវត្ត ដោយយោងទៅតាមជំនឿដែលគេបានជឿតៗគ្នាថា កាលណាអ្នកស្លាប់នោះ បានស្លាប់ដោយឧបហេតុនានា ដែលមិនមែនជាការស្លាប់ដោយធម្មជាតិ «កើត ចាស់ ឈឺ ស្លាប់»។ពិតណាស់អ្នកតែងតែធ្លាប់បានដឹងហើយមែនទេថា តាមប្រពៃណីទំនៀមទម្លាប់ខ្មែរយើងពីបុរាណឱ្យតែមានមនុស្សស្លាប់ យើងមានទំនៀមទម្លាប់ជាច្រើនដែលត្រូវអនុវត្ត។ ក្នុងនោះរឿងអបិយជំនឿ រមែងភ្ជាប់គ្នាមកជាមួយគ្នាជានិច្ច។ប្រិយមិត្តធ្លាប់ដែលសង្កេតទេថា ធម្មតាឱ្យតែផ្ទះណាមានមនុស្សស្លាប់ គឺនៅយប់ថ្ងៃដែលមានប្រារព្ធពិធីបុណ្យសពនោះ យើងតែងតែឃើញមានលោកតាអាចារ្យ ឬចាស់ៗមួយចំនួនដែលជាអ្នកជិតខាង ឬអ្នកស្គាល់គ្នា ឬសាច់ញាតិបងប្អូនបុគ្គលដែលបានស្លាប់ទៅ ពួកគាត់បានបបួលគ្នាទៅសម្រាន្តកំដរសពជានិច្ច។ Continue reading តើអ្នកដឹងទេ ហេតុអ្វីបានជាពេលមនុស្សស្លាប់ តែងតែមានលោកតាអាចារ្យ ឬចាស់ៗ នាំគ្នាទៅសម្រាន្តកំដរសព នៅពេលយប់?

ព្រឺសម្បុរពេលដឹងជំនឿរបស់ប្រជាពលរដ្ឋខ្មែរលើ “ម្រេញគង្វេល” ដែលមានឥទ្ធិពលដល់ពេលបច្ចុប្បន្ន!

ម្រេញគង្វាល ក្នុងជំនឿខ្មែរបច្ចុប្បន្នជាការចាំបាច់ដែលទំនៀមទម្លាប់ប្រពៃណី ដែលជានិមិត្តរូបនៃអត្តសញ្ញាណរបស់ ប្រជាជនត្រូវ រក្សាទុក នូវលក្ខណៈដើមឲ្យបានគង់វង្ស ជាពិសេសក្នុងខណៈមួយដែលសង្គមជាតិ ស្ថិតក្នុងស្ថានភាពវិវត្តន៍ យ៉ាងឆាប់រហ័សដោយសម័យទំនើប ក៏បណ្ដាលឲ្យមានការប្រែប្រួលយ៉ាងឆាប់រហ័ស។ ដូច្នេះហើយបានជាយើងសូម ធ្វើការកត់សម្គាល់មួយចំនួនលើ បញ្ហាពាក់ព័ន្ធទៅនឹងជំនឿ ម្រេញគង្វាលខ្មែរ ដែលជាប្រភេទខ្មោចព្រៃមួយប្រភេទ ថែរក្សាហ្វូងសត្វដំរី ដែលសព្វថ្ងៃបានក្លាយទៅជាអ្នកថែរក្សាផ្ទះសម្បែងទ្រព្យសម្បត្តិទៅវិញ ព្រមទាំង ការប្រែប្រួលទម្រង់ដើមខ្លះៗ មកពីរបត់សង្គម។ គឺភាពខុសប្លែកខ្លះៗនេះហើយ ដែលគប្បីយើងត្រូវកត់សម្គាល់ដើម្បី ទុកជាទិន្នន័យ ប្រវត្តិសាស្ត្រសម្រាប់អ្នកស្រាវជ្រាវជំនាន់ក្រោយ។ Continue reading ព្រឺសម្បុរពេលដឹងជំនឿរបស់ប្រជាពលរដ្ឋខ្មែរលើ “ម្រេញគង្វេល” ដែលមានឥទ្ធិពលដល់ពេលបច្ចុប្បន្ន!